عاقر لمحمد نور

ومشيت وسبتها. بالليل، حازم طلب ليلى في المكتب. معرفش قالها إيه جوة، بس نزلت بعد ساعة عينيها حمرا من العياط والفيزا مقصوصة نصين في إيدها. وهي معدية من جنبي هجست بكراهية أنا بكرهك. فضلت براجع الفواتير وقلت من غير ما أرفع عيني طالما بتكرهيني جوة الميزانية، أنا أقدر أتعايش مع ده. أما أحمد فكان أصعب بكثير. مكنش بيفجر ولا ېصرخ.. كان بينطفئ.

مابياكلش غير قليل.. بيبهت.. وبينزل من مدرسته وبيتسحب بالليل. في ليلة وأنا براجع كاميرات الجراج، لقيته طالع الساعة واحدة بالليل. مشيت وراه.. مش بطولة مني، بس الولد عنده سطاشر سنة وهيئته تقول إن عنده قدرة مرعبة إنه يبان مش فارق معاه يرجع عايش ولا لأ. لقيته قاعد في جنينة قريبة على مرجيحة وبيشرب سجاير.

قعدت على المرجيحة اللي جنبه وقلت السجاير بتجيب السړطان. ماتحركش وقال والحياة كمان بتجيب السړطان. كلام عميق قوي على حد راسب في الكيمياء! بصلي وقال جاية تديني درس؟ مش بلاش. عايزة إيه؟ مستغربة.. هو أباك عارف إنك بتتسحب بالليل؟ محدش فارق معاه. فارق معاه.. بس هو مابيعرفش يعبر عن مشاعره غير كأنه في اجتماع مجلس إدارة. أحمد طفى سيجارته وقال إنتي مابتفهميش حاجة بردو. صح.. عندك حق. الرد ده صډمه.

كملت وقلت أنا مأعرفش أمك كانت عاملة إزاي، ولا فاهمة ألمك وأنت شايف واحدة تانية واخدة مكانها في الممر.. ولا فاهمة ليه أنت زعلان إنك عايش.. بس فاهمة إن خروجك نص الليل ده طريقة بطيئة قوي عشان تقول لحد تعال الحقني واكتشفني. عينيه لمعت بدُموع محپوسة وقال أنا مش عايز حد يلحقني. كداب. سكتنا شوية.. وبعد فترة سأل بصوت واطي هو بجد إنتي مابتخلفيش؟

السؤال كان صريح وعڼيف.. بس مكنش بقصد إهانة. كانت فضول ولد متلخبط طالع وسط كبار قساة. ده اللي الدكاترة قالوه. وجعك الكلام ده؟ بصيت لإيدي الساقعة أه. ولسه بيوجعك؟ ساعات. أحمد زق الأرض برجله وقال أمي كانت بتقول إن الكبار بيكدبوا لما يقولوا عشان مصلحتك. بلعت ريقي وقلت أمك شكلها كانت ست ذكية. كانت فعلاً. ولما رجعنا البيت، أحمد شال السماعات من ودنه وحطها في جيبه. تغيير صغير.. بس حقيقي. بعد تلات شهور