عاقر لمحمد نور

أنا محتاج بس ست تدير البيت، وتظبط أموره، وتساعدني أقف في وش العيلة اللي قلبوا حياتي لوكاندة. بصيت للفولدر. كان عقد جواز. بارد. واضح. ومحدد. جواز لمدة تلات سنين. لو حبيت أمشي بعدهم، هاخد شقة وتلاتة مليون جنيه. خلال الجواز، محدش يتدخل في حياة التاني العاطفية. مليش أي حق في أسهم مجموعة الجبالي. ومليش دعوة بأولاده ولا أذيهم. ولو حد خائڼ، يمشي من غير مليم.

وفي الآخر، كان فيه بند خلاني أضحك بسخرية تقر الزوجة بعدم رغبتها أو قدرتها على الإنجاب، ولا يلتزم الزوج بأي مسؤولية لإنجاب أطفال. رفعت عيني وقلت حازم بيه، هو حضرتك عملت عني تحريات؟ مانكرش وقال إنتي محتاجة وضع اجتماعي مستقر، وأنا محتاج بيت هادي. الكلام مكنش فيه أي رومانسية. بس كان منطقي. أبويا وأمي متوفيين من سنين. وعيلة هشام لسه بتطاردني عشان تهينني.

وأنا عندي خمسة وثلاثين سنة، من غير عيال، ومن غير بيت ملكي، وحياتي ماسكة بالعافية لأني ماسكة نفسي بالعافية. حازم الجبالي مكنش بيعرض عليا حب. كان بيعرض عليا طوق نجاة. مسكت القلم. قال لي مش تفكري الأول؟ ماعدلتش القلم ووقعت فوراً لا. يوم كتب الكتاب مكنش فيه فرح، ولا فستان أبيض، ولا شبكة. حازم أخدني على طول على فيلا الجبالي. قبل ما ننزل من العربية قال اللي في البيت دول مش سهلين.

كنت متوقعة. بصلي ثانية وكمل بالذات بنتي. الباب اتفتح قبل ما نعدي العتبة. بنت كانت واقفة في الصالة، عينيها حمرة وشفايفها متشنجة. ليلى الجبالي. بابا! إنت بجد جبت البتاعة دي هنا؟! بصلتي كأني بقعة على السجادة وقالت إنت رايح تتجوز ولا جايب لنا داداة؟ حازم مردش بسرعة. أنا نزلت من العربية بشنطتي، والمطر كان نازل على السلم.

بصيت لليلى وقلت لو هقبــ,,ـــــض مرتب دادة، يبقى لازم نتفاوض على المرتب الأول. وشها اتغير فوراً. ومن جوة الصالة طلعت ضحكة باردة باللسان ده، مش غريبة إنك مبتحمليش وبردو ليكي عين تدخلي البيت ده! رفعت رأسي. كان فيه كذا حد من القرايب قاعدين. واللي كانت قاعدة في الصدـ,,ـــر، كأنها صاحبة البيت الفعليه، كانت ماجدة، أخت مراته المټوفية.

ماجدة حطت فنجان الشاي على الترابيزة وقالت يا إيمان يا حبيبتي، دخول فيلا الجبالي سهل.. بس القعدة فيها هي اللي صعبة. غيرت جزمتي من غير ما أرد. حازم أخد شنطتي واداها للبواب وقال بصوت عالٍ من النهاردة، تتقال لها مدام إيمان الجبالي. الصالة كلها سكتت. ليلى قامت وقفت فجأة أنا مستحيل أقولها كدة! أمي مټوفية بقالها تلات سنين بس! دي تطلع مين عشان تبقي مدام الجبالي؟

! صوت حازم وطي بس بقى يخوف ليلى! بس هي كملت وشاورت عليا هي مش جاية عشان فلوسك؟ إيه اللي يخلي واحدة مبتخلفش تتجوز واحد زيك غير الفلوس؟! الكل بصلي. زمان، الكلام ده كان يكسرني نصين. الليلة دي، ما حسيتش بأي ۏجع. يمكن الچرح لما بيتفتح كتير بيبني طبقة جلد ناشفة متبتحسش.