باقى القصه كامله للنهايه هنا الاول
الثانى
حكايات امانى 2
انصرف محمود من تحت بلكونة بيت خالد ورجليه بتتجر بالعافية، الخيبة والند-م بياكلوا في قلبه، بس الندم كان متأخر أوي. نادية دخلت جوه الشقة وهي حاسة إن روحها ردت لها لأول مرة من سنين. بصت لخالد وقالت له بثقة: "المعركة لسه في أولها يا خالد، ومحمود وعيلته مش هيسكتوا بسهولة، بس أنا المرة دي مش هسرح في أوهام.
"في البيت الكبير، كانت النار قايدة. هدير واقفة لـ محمود في الصالة وهي ماسكة بطنها وبتصرخ بقمة صوتها: "يعني إيه تمكين؟ يعني إيه أختك وأمك كانوا بيضحكوا عليا ويقولوا لي إن البيت ده ملكك إنت وحدك؟ طلعت عايش في بيت إيجار وعفش مراتك الأولى هي اللي جابته؟أنا مش هقعد هنا لحظة واحدة!
أنا بنوته ناعمة ومش جاية هنا عشان أتبهدل وتجيب لي محضرين على الباب!"الحماة قامت متلخبطة وتعبانة، وشها اصفر من القلق: "اهدئي يا هدير يا حبيبتي عشان اللي في بطنك، محمود يتصرف، نادية دي أخرها يومين وهترجع تبوس الأيادي لما تلاقي نفسها مالهاش حد!
"هدير بزعيق يطر الأذن: "ترجع مين؟! دي شكلها مش راجعة، ودي نيتها تخرب بيتك يا محمود! أنا عايزة شقة لوحدي باسمي، يا إما هاخد هدومي وأرجع بيت أهلي واللي في بطني ده هسقطه وأخلص من القصة دي كلها!"الكلمة نزل طاخ على دماغ محمود، بصلها بذهول وقال: "تسقطيه؟! ده إنتي الميزة الوحيدة اللي جابتبكي عشانها البيت ده!
إنتي اتجننتي؟"عفاف دخلت في النص وهي بتلطم على خدودها: "يا لهوي على اللي جرى لنا! الأكل محروق في المطبخ، ومفيش هدوم مغسولة، وأمي رجليها ورمت ومحدش عارف يغسلها ولا يعمل لها كمدات.. أدي اللي أخدناه من جوازتك الجديدة يا محمود!
نادية كانت شايلة الزير ببلاله وما كانتش بتفتح بقها بكلمة!"محمود صرخ فيهم كلهم وشتم وخرج وساب البيت ولعنة نادية تطارده في كل خطوة. مرت الأيام، والمحكمة حددت أول جلسة لنظر قضية قائمة المنقولات والتمكين.
نادية راحت المحكمة ومعاها خالد والمحامي، ولابسة عباية سمراء شيك ووشها فيه هيبة وقوة، مش هي نادية بتاعة المطبخ والخدمة والشعر المطفي. في الصالة بتاعة المحكمة، اتفاجأت بـ محمود داخل ومعه أخته عفاف، وبصوا لـ نادية بنظرة فيها غل وقهر.
قرب محمود من نادية وحاول يكلمها بلهجة شديدة قدام الناس: "نادية.. تنازلي عن القضايا دي بدل ما أطلقك غيابي وما تشوفيش مني جنيه واحد! القايمة دي إنتي عارفة إن نصها اتكسر وداهية أخدته في البيت، هتحسبيه عليا إزاي؟
"نادية بصت له ببرود ورفعت رأسها فوق: "تطلقني غيابي؟ ههه، طلق يا محمود، طلاقك ده هيبقى شهادة ميلادي الجديدة. والقايمة مكتوبة ومتبصم عليها من إيدك، يا تجيب العفش زي ما هو في القايمة خشب وزجاج ودهب، يا تروح تقعد لك سنتين ثلاثة في السجن تتأدب فيهم وشوف بقى مين هيصرف على الست هدير وابنك اللي جاي!
"القاضي نادى على القضية، والمحامي بتاع نادية وقف وقدم المستندات والشهادات الطبية اللي بتثبت الضرر والإجهاد، وقدم قائمة المنقولات الموثقة. محامي محمود حاول يماطل ويقول إن الزوجة هي اللي سابت بيت الزوجية بدون سبب، بس محامي نادية أخرج المفاجأة: وثيقة زواج محمود من "هدير" بنفس التاريخ اللي نادية اتطردت فيه بعد ما اكتشفت الجوازة، وإثبات إن شقة الزوجية هي حق للزوجة الأولى المضرورة.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.