أحمد قرب مني ومسك دراعي بالراحة وقال بنبرة مشدودة:— يارا... الكلام ده معناه إيه؟ إنتِ عارفة إنتِ بتقولي إيه؟ما شيلتش عيني من على وش محمود، اللي كان ملامحه بدأت تتغير من الذهول للشك، للغضب اللي بيغلي تحت الجلد. كملت كلامي بثبات وبنبرة واضحة ومستقيمة، من غير ما أرفع صوتي حتى:— أنا عارفة كويس أوي أنا بقول إيه يا أحمد.
وبقوله لمحمود بالذات لأنه الوحيد اللي انضحك عليه في البيت ده. حماتي قامت تجري من مكانها، ومسكت في إيدي بعنــ,,ـــــف وهي بتترجاني بعينيها وفي نفس الوقت بتهددني بصوت واطي ومبحوح:— اسكتي يا يارا! الله يخرب بيتك هتيخربي البيت! إنتِ نسيتي نفسك ولا إيه؟ الكلام ده كذب، بلاش افتراء على البنت!
بصيت لحماتي ورفعت حاجبي، وشيلت إيدها من على دراعي بالراحة لكن بصرامة:— افتراء يا ماما؟ افتراء ولا ده الكلام اللي الدكتور قاله بالحرف في عيادة دكتور النسا اللي إنتِ أخدتيني معاكي ليها قبل الفرح بأسبوع؟ فاكرة لما الدكتور بص في السونــ,,ـــــار وقال: "الجنين في الأسبوع السادس عشر، يعني في أول الشهر الرابع، ومحتاجين متابعة ضرورية"؟ فاكرة رد نهى وقتها لما ارتبكت وقالت التحاليل في البيت؟
ولا فاكرة لما أخدتيني المطبخ وقفلتِ الباب وقولتِ لي بالنص: "لو محمود عرف أو حد شم خبر، مش هسامحك ليوم الدين"؟ محمود وقف. طوله وحجمه خلوا القعدة كلها تتكهرب. بص لمراته نهى، وكان في عينه سؤال مرعب، سؤال كان دايماً خايف يطرحه على نفسه طول السبع سنين اللي فاتوا.— نهى... اتكلمي. نهى بدأت تتلعثم، دموعها نزلت بسرعة، بس ما كانتش دموع ندم، كانت دموع خوف ومحاولة للهروب:— محمود. .. دي كذابة!
دي عايزة تنتقم مني عشان أنا اتعصبت وقالت كلمتين على ابنها! إنت هتصدق الغريبة وتكدب مراتك؟محمود ما اتحركش، نبرة صوته نزلت طبقة كاملة وبقت هادية بطريقة تخوف:— أنا بسألك إنتِ... أختي ونفسي والناس كلهم قالوا لي يوسف اتولد في أول السابع وبحضانة، وإنتِ قعدتِ في المستشفى أسبوعين. .. يارا بتتكلم عن كشف قبل الفرح بأسبوع... الكشف ده حصل ولا مَحصلش؟حماتي اتدخلت بسرعة وهي بتصرخ وتضــ,,ـــــرب على صدـ,,ـــرها:— حصل يا محمود بس هي فاهمة غلط!
الدكتور كان بيخرف، ونهى كان عندها ألياف والدكتور التبس عليه الأمر! يارا هي اللي بنيتها سودة وبتحقد على أخت جوزها! في اللحظة دي، حمايا -اللي كان قاعد ساكت ومصدوم من أول اللحظة- حط إيده على قلبه، اتنفس بصعوبة وقال بصوت هزيل:— هو... هو إيه اللي بيحصل هنا؟ إنتوا بتتكلموا في إيه؟ الكلام ده صح يا أم أحمد؟ إنتِ كنتِ عارفة؟
أنا ما كنتش عايزة أهدم البيت على دماغ الكل، بس الكلمة اللي خرجت من بؤ نهى عن ابني آدم، كانت خط أحمر. الكلمة دي كشفت لي إن السكوت عن الحق بيخلي الأندال يشوفوا الأدب ضعف. بصيت لنهى وقلت لها:— إنتِ عيرتِ ابني إنه جيه بعد جوازنا بسبع شهور، مع إن أحمد عارف، وأبوكِ عارف، والعيلة كلها عارفة إن آدم اتولد في أوانه وإننا كتبنا الكتاب قبل الفرح بسنة كاملة بعلم الكل ورضاهم!
لكن إنتِ... إنتِ غشيتِ الراجل اللي مأمن لك، واستغفلتِ أخوكِ، وعايزة دلوقتي تاخدي حق ابنك وحق غيرك وتقسمي الورث على مزاجك، وتتطاولِ على طفل ملوش أي ذنب في أحقادك؟محمود قرب من السفرة، وبص لحماتي وقال:— الكشف ده كان فين؟ واسم الدكتور إيه؟نهى صرخت فيه:— إنت بتمشي ورا كلامها؟ إنت بتهينني قدام أهلي؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.