غدر على نــ,,ـــــار هادية2 – منى السيد

ثانياً إحالة أوراق القضية برمتها والمدعى عليهما طارق إبراهيم الصاوي وسميحة عبد الرحمن النجار إلى محكمة الجنايات العاجلة محبوسين، بتهم الشروع في ال. مع سبق الإصرار والترصد، وإحداث عاهة مستديمة عمدية، وطمس معالم جريمة، والإدلاء بشهادة زور وتضليل العدالة! تأمر المحكمة بالقبــ,,ـــــض على المتهمين من داخل الجلسة وإيداعهما حجز المحكمة فوراً! رفعت الجلسة!

أول ما القاضي نطق بكلمة القبــ,,ـــــض على المتهمين، عساكر الحرس دخلوا القاعة زي البرق. كلبشات الحديد كانت بتلمع وهي بتتقفل في إيد طارق اللي كان بيعيط بهستيريا ويصرخ أبوس إيدك يا نورا! سامحيني! والله العظيم هكتبلك كل حاجة ومش عايز حاجة من الدنيا، متودينيش في داهية! ارحميني عشان خاطر ربنا! وأمه سميحة كانت بتصرخ وهي بتتشد من العساكر الحقني يا طارق! يا نهار أسود، هيحبسوني على كبر يا فضيحتي في المنطقة!

بصيت لطارق وهو متكلبش وبيجرجروه على السلالم المؤدية لحجز المحكمة. قربت منه خطوة واحدة، وبصيت في عينيه المليانة رعب وذل، وقلت له بنفس النبرة الهادية اللي مسمعهاش مني من ست شهور قولتلي قبل كده إنك متتجوزش ست مشوهة وناقصة.. ودلوقتي إنت وأمك داخلين السجــ,,ـــــن مجرمين، مقيدين، وناقصين كرامة وشرف وعمر مش هتشوفوا فيه النور تاني. شقة أبويا دي اللي كنت عايز تسرقها، هتبقى هي السجــ,,ـــــن اللي هيفضل يطاردك في كوابيسك لحد ما تمــ,,ـــــوت.

خرجت من باب المحكمة، وشمس القاهرة الدافية كانت نازلة على وشي. الهواء كان نقي ومختلف، والحــ,,ـــــرقة اللي كانت في قلبي اتقفلت عليها كل الأبواب. بصيت للسما وابتسمت، وحسيت بروح أبويا حواليا كأنه بيطبطب على كتفي السليم وبيقولي رفعتي راسي وبنت أبوكي بجد. مسكت إيد سحر وأحمد، ومشينا في وسط الناس وإحنا رافعين راسنا، بعد ما كل واحد خد جزاءه بالمليم وما ضاع حق وراه مطالب.