سامح

مريم قالت لأنها مش لوحدها سامح سأل مين معاها؟ مريم بدأت تبكي وقالت الشخص اللي أنا كنت فاكرة إنه مات من أربع سنين وفجأة انقطع الاتصال سامح فضل ماسك الموبايل وهو مش قادر يستوعب لكن قبل ما يستوعب كلامها دخل موظف المحكمة وهو بيجري وقال يا سيادة القاضي… في عربية واقفة تحت المحكمة من نص ساعة سامح قال وبعدين؟ الموظف بلع ريقه وقال فيها شخص مستني ليان سامح بص لحفيدته وبعدين سأل مين الشخص ده؟

الموظف قال بيقول إنه والدها الحقيقي سامح حس إن قلبه وقف لأن والد ليان كان معروف للجميع… وكان المفروض إنه مات من أربع سنين… الجزء الأخير والنهاية سامح فضل واقف مكانه مش قادر يستوعب اللي سمعه، وبص ناحية ليان اللي كانت قاعدة جنب جدتها ومش فاهمة ليه كل الكبار حواليها بقوا خايفين بالشكل ده.

قال للموظف خليه يطلع الموظف اتردد متأكد يا سيادة القاضي؟ سامح رد أيوه وبعد دقايق دخل راجل طويل ووشه شاحب، وأول ما سامح شافه حس إن الدنيا وقفت كان اسمه شادي والكل كان فاكره مات في حادثة عربية من أربع سنين ليان أول ما شافته قامت من مكانها وقالت بابا؟ الراجل عينه دمعت ومد إيده ناحيتها ليان جريت عليه من غير تردد سامح وقف قدامهم وقال إنت مين؟

شادي رد أنا أبوها سامح قال إنت مت؟ شادي ابتسم بحزن دي كانت الفكرة سامح فهم إن الموضوع أكبر بكتير من مجرد حضانة دخل شادي مع سامح مكتب جانبي وقفل الباب وقال أنا ما متش يا سامح اتعملت حادثة مدبرة علشان أختفي سامح سأله مين عمل كده؟ شادي حط قدامه ملف وقال الناس اللي كانوا عايزين يوصلوا لفلوس والد مريم سامح فتح الملف وبدأ يقلب فيه قال وإيه علاقة مريم بكل ده؟

شادي رد مريم كانت أول واحدة اكتشفت إن فلوس أبوها اتسرقت قبل وفاته وإن في حسابات اتفتحت باسمه من غير علمه سامح قال يعني مرضها؟ شادي هز راسه مرضها حقيقي يا سامح لكن اللي حصل في ملفها الطبي مش طبيعي سامح سكت شادي كمل حد غيّر تاريخ ظهور المرض في الملفات علشان يثبت إنها مش قادرة ترعى بنتها سامح قال وعشان كده عملوا قضية الحضانة؟

أيوه وبعدين شادي بص له وقال وكان لازم يبعدوا ليان عنها قبل ما مريم تعرف مين اللي ورا الموضوع سامح سأل فؤاد؟ شادي رد فؤاد كان مجرد حلقة سامح اتصدم يعني مين الرأس الكبيرة؟ شادي بص له في عينه وقال الدكتور اللي كان ماسك ملف مريم سامح افتكر كلام بنته الدكتور اللي كانت بتتابع عنده في نفس اللحظة دخلت مريم القاعة وهي مرهقة، لكن واقفة على رجليها سامح جري عليها إنتي بتعملي إيه هنا؟

قالت كنت عارفة إنك هتكتشف كل حاجة سامح حضنها لأول مرة من سنين وقال سامحيني مريم عيطت وقالت أنا مش زعلانة منك يا بابا كنت بس مستنية اليوم اللي تصدقني فيه سامح سألها إنتي عرفتي كل ده إمتى؟ قالت من شهرين وليه ماقولتيليش؟ لأنهم كانوا بيراقبوا كل خطوة بعملها وبصت ناحية نجلاء وقالت حتى ماما كانت خايفة سامح بص لنجلاء نجلاء قالت أنا غلطت لما دخلت في الموضوع بالطريقة دي بس كنت خايفة على ليان سامح قال والطلب المزور؟