سامح

الاسم كان اسم موظف شغال في المحكمة من سنين طويلة وبيعرف كل صغيرة وكبيرة بتحصل جوه الملفات. رفع سامح عينه وقال للموظف المسؤول عن القاعة إنت تعرف الشخص ده؟ الموظف اتوتر وقال أيوه يا سيادة القاضي… ده شريف موظف الأرشيف سامح سكت لحظة وبعدين قال فينه؟ الموظف بص حواليه كان هنا من شوية سامح حس إن قلبه وقع من شوية؟

أيوه بس خرج لما الجلسة اتأجلت سامح مسك الورقة بقوة وقال اقفلوا كل المخارج ومحدش يخرج من المحكمة لكن قبل ما حد يتحرك رن موبايل نجلاء بصت للشاشة واتغير لون وشها سامح لاحظ وقال ردي نجلاء هزت راسها مش هرد هاتي الموبايل نجلاء رجعت خطوة وقالت سامح كفاية صرخ لأول مرة هاتي الموبايل!

القاعة كلها سكتت نجلاء مدت إيدها بالموبايل وهي بتترعش سامح بص للشاشة نفس الرقم اللي اتصل بيه من شوية ضغط على تسجيل المكالمة وفتح السماعة صوت راجل جه من الناحية التانية الوقت خلص يا نجلاء سامح بص لها الصوت كمل لو الورقة وصلت لسامح يبقى كل حاجة اتكشفت نجلاء بدأت تعيط سامح قرب منها وقال مين ده؟ المكالمة اتقفلت نجلاء غطت وشها بإيديها وقالت أنا ماكنتش عايزة الموضوع يوصل لكده سامح قال موضوع إيه؟

قالت بصوت مكسور أنا كنت بحاول أحمي مريم سامح انفجر تحميها من مين؟ نجلاء بصت له وقالت منك الجملة خلت سامح يسكت نجلاء كملت مريم كانت خايفة منك سامح قال خايفة مني ليه؟ لأنها كانت فاكرة إنك لو عرفت إنها مريضة هتعتبرها ضعيفة وهتسيبها تواجه المرض لوحدها زي ما سبتها السنتين اللي فاتوا سامح حس بالذنب لأول مرة لكن كلامها ماكانش كفاية قال ولو كنتي بتحاولي تحميها ليه عملتي طلب حضانة مزور؟

نجلاء بدأت تبكي أنا ماعملتش الطلب سامح بص لها بحدة أمال مين؟ قبل ما تجاوب دخل موظف المحكمة مسرعًا وقال يا سيادة القاضي… شريف مش موجود في مكتبه سامح قال دوروا عليه الموظف رد دورنا شنطته موجودة لكن هو اختفى سامح فتح الورقة تاني وكان فيها رقم حساب ومواعيد وتحويلات مالية وفي آخر الصفحة كان فيه اسم مختصر بحرفين بس س.

ع سامح اتجمد لأن الحرفين دول كانوا ممكن يشاوروا على شخص واحد بس شخص كان بيشتغل معاه في نفس المحكمة شخص كان حاضر معاه في أغلب القضايا المهمة وفي نفس اللحظة وصلته رسالة على موبايله فتحها كانت صورة لمريم وهي خارجة من المستشفى وتحت الصورة جملة واحدة لو كملت هتعرف ليه بنتك سكتت عن الحقيقة كل السنين دي سامح حس بالغضب والخوف في نفس الوقت اتصل بمريم المرة دي ردت بسرعة بابا؟

سامح قال مريم أنا محتاج أعرف الحقيقة كلها سكتت قال لها مين اللي خلاكي تمضي الورقة؟ مريم ردت بصوت ضعيف أنا ما مضيتش يا بابا سامح غمض عينه طب مين اللي زور توقيعي؟ مريم بدأت تبكي وقالت الشخص اللي زور توقيعي مش هو المشكلة سامح سألها أمال مين المشكلة؟ قالت المشكلة إن الشخص ده كان معاه نسخة من ملفي الطبي قبل ما أنا حتى أعرف إن المرض رجع تاني سامح حس ببرودة في جسمه يعني إيه المرض رجع؟