سامح

مريم سكتت وبعدين قالت يعني أنا مش مريضة من أربع شهور يا بابا أنا عرفت من أربع شهور بس سامح ما فهمش سألها إنتي عايزة تقولي إيه؟ مريم أخدت نفس طويل وقالت المرض كان موجود من زمان بس حد كان مخبي عني نتيجة التحاليل سامح اتسمر مكانه قال مين؟ مريم ردت بصوت مرتعش الدكتور اللي كان بيتابع حالتي… وبعدها سكتت فجأة سامح قال مريم؟

لكن المكالمة اتقفلت وفي نفس اللحظة وصلت رسالة جديدة سامح فتحها كانت صورة لملف طبي قديم وفي أسفل الصفحة توقيع طبيب لكن الصدمة الحقيقية كانت في التاريخ التاريخ كان قبل أربع سنين يعني قبل ولادة ليان بشهور سامح رفع عينه ناحية حفيدته الصغيرة ولأول مرة بدأ يسأل نفسه سؤال أخطر من كل اللي فات ليه حد كان مهتم يخبي مرض مريم؟ وليه نفس الشخص عايز ياخد ليان منها دلوقتي؟

وقبل ما يقدر يفكر في الإجابة سمع صوت خطوات سريعة في الممر وبعدين صوت حد بيقول سيادة القاضي… لقينا شريف سامح قام بسرعة واتجه للباب لكن الموظف اللي دخل كان وشه مرعوب وقال لقيناه… بس مش لوحده سامح سأله معاه مين؟ الموظف بص له وقال معاه الشخص اللي مكتوب اسمه في آخر الورقة س.

ع وساعتها سامح فهم إن اللي جاي مش مجرد كشف تزوير دي كانت بداية الحقيقة اللي ممكن تهد كل حياته وحياة بنته بالكامل… تكملة الجزء الثالث سامح خرج من القاعة بسرعة والموظف ماشي وراه وهو بيقوله إن شريف موجود في غرفة جانبية آخر الممر وإن الشخص اللي معاه رفض يقول اسمه لكن أول ما سامح وصل قدام الباب سمع صوت شريف بيصرخ أنا ما عملتش حاجة أنا كنت بنفذ التعليمات وبس سامح فتح الباب بعنف لقى شريف واقف جنب الشباك ووشه أصفر وقدامه راجل لابس بدلة غامقة وقاعد بمنتهى الهدوء سامح أول ما شافه وقف مكانه الراجل ده كان المستشار فؤاد نجيب زميله وصديقه اللي كان دايمًا بيعتبره أخوه سامح قال بصوت هادي إنت؟

فؤاد ابتسم ابتسامة باردة وقال كنت متأكد إنك هتوصل لي سامح قفل الباب وراه يعني إنت اللي ورا كل ده؟ فؤاد رد ورا إيه بالظبط؟ سامح حط الورقة قدامه وقال ورا التوقيع المزور وورا تسريب ملف مريم وورا الفلوس اللي شريف كان بياخدها فؤاد بص للورقة وبعدها ضحك إنت لسه فاكر إن الموضوع موضوع فلوس؟ سامح قرب منه وقال أمال موضوع إيه؟

فؤاد قام من مكانه وقال موضوع إنك طول عمرك فاكر نفسك بتحكم بالعدل سامح اتعصب إنت مالك بيا؟ فؤاد قال أنا مالي؟ أنا أكتر واحد عارفك وبعدين بص لشريف وقال قوله يا شريف شريف نزل عينه في الأرض سامح زعق اتكلم! شريف قال بصوت مكسور أنا كنت باخد الملفات من الأرشيف وأسلمها لفؤاد سامح سأله ليه؟ شريف رد كان بيهددني بإيه؟