سامح سامح فضل ماسك الورقة في إيده وهو حاسس إن كل حاجة حواليه بقت ساكتة بشكل غريب. رفع عينه ناحية حسام وقال بهدوء شديد إنت هتفضل واقف ساكت ولا هتقول لي مين قدم الطلب ده؟ حسام قرب خطوة وقال يا سيادة القاضي الموضوع مجرد إجراء قانوني والست مريم نفسها مضت عليه سامح ض.
رب الورقة على المكتب وقال مريم ما مضتش على حاجة نجلاء اتدخلت بسرعة وقالت سامح متكبرش الموضوع هي تعبانة ومش ناقصة مشاكل لف لها وبصلها نظرة خلتها تسكت تعبانة من إمتى يا نجلاء؟ نجلاء اتلخبطت يعني إيه؟ من إمتى وإنتي عارفة إنها بتاخد كيماوي؟ وشها اتغير سامح كمل ومن إمتى وإنتي بتروحي لها المستشفى من غير ما تقوليلي؟
نجلاء بصت في الأرض وقالت مريم هي اللي طلبت مني سامح رد ومريم ليه طلبت منك إنتي بالذات؟ قبل ما نجلاء ترد رن موبايل حسام بص للشاشة واتوتر وقفل المكالمة بسرعة سامح لاحظ مين اللي بيتصل؟ حسام قال حد من المكتب سامح مد إيده هات الموبايل حسام اتجمد مكانه الموبايل مش بتاعي يا سيادة القاضي سامح بص له باستغراب مش بتاعك؟
ده الموبايل اللي بنتي اتصلت منه من شوية حسام حاول يغير الموضوع لكن سامح كان خلاص بدأ يربط الخيوط ببعض قال للموظف اقفل القاعة وخلي محدش يخرج الناس بدأت تبص لبعضها باستغراب الموظف سأل نقفلها ليه يا سيادة القاضي؟ سامح رد لأن القضية دي من اللحظة دي مش قضية حضانة وبس وبعدين بص لحسام وقال أنا عايز أعرف مين اللي جهز الملف ده ومين اللي دخله المحكمة ومين اللي حصل على معلومات بنتي الطبية حسام وشه احمر وقال دي معلومات موجودة في الملف سامح رد بسرعة لا المعلومات الطبية دي ماكانتش موجودة في أي ورقة اتقدمت في الجلسة حسام سكت سامح قرب منه وقال إنت عرفت منين إنها بتاخد كيماوي؟
حسام فتح بقه علشان يرد لكنه ماطلعش صوت في اللحظة دي موبايل سامح الشخصي رن بص للشاشة رقم غريب رد ألو؟ جاله صوت راجل واطي سيادة القاضي لو عايز تحافظ على بنتك وحفيدتك اقفل الملف ده سامح وقف مكانه مين معايا؟ الصوت رد مش مهم تعرف أنا مين المهم تعرف إن كل حاجة بتتراقب وبعدين المكالمة اتقفلت سامح فضل ماسك الموبايل وهو باصص قدامه وفجأة سمع صوت حفيدته ليان من وراه جدو؟
لف لها قالت ماما قالت لي لو شفتك أقولك حاجة سامح قرب منها وقال إيه يا حبيبتي؟ ليان همست ماما قالت إن الورقة اللي عليها اسمها مش بتاعتها سامح حس بقلبه بيخبط سألها ماما قالت لك كده إمتى؟ قالت امبارح وبعدين مدت إيدها الصغيرة في جيب فستانها وطلعت ورقة مطوية وقالت وقالت لي أخبيها عندي ومتديهاش لحد غيرك سامح أخد الورقة بإيد مرتعشة فتحها وفي اللحظة اللي قرأ فيها أول سطر حس إن الدم نشف في عروقه لأن الورقة ماكانتش مجرد دليل على تزوير توقيع بنته كان مكتوب فيها اسم موظف من المحكمة وتحته تاريخ وتحته مبلغ مالي وسامح عرف وقتها إن الشخص اللي كان بيبيع أسرار بنته مش شخص غريب كان شخص قريب منه جدًا… سامح فضل واقف مكانه والورقة في إيده وهو بيقرأ الاسم مرة واتنين كأنه مش مصدق اللي عينه شايفاه.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.