شقتي حكايات روماني مكرم 1

” قالتها وصوتها بيقطع، العياط بدأ يغلبها، بس مش عياط زعل… عياط خوف من الكابوس اللي كانت حاسة بيه طول عمرها في معاملة أبويا الجافة المستترة، والتفرقة المبالغ فيها اللي كانت فاكراها حُب. “أنا ما بليتش على حد…” كملت وأنا بفتح الباب على آخره وبشاور لهم على برة: “… أنا حميت السِر ده تلاتين سنة. حميته وأنا باكل العيش الحاف وأنتِ بتدخلي مدارس خاصة.

حميته وأنا بتشتم كل يوم وبتقال عليّ عاق ومبصونش أهلي. بس لحد بيتي وتدوسي عليه؟ لا. السكوت كان هدية مني… ودلوقتي الهدية خلصت.” حسام مسك إيدها، كان شكله مرعوب من اللي بيسمعه، بيحاول يجرها لبرة الشقة وهي كانت واقفة في مكانها مش قادرة تحرك رجليها، عينيها مثبتة عليّ بكره وخوف وذهول مش متخيلة إن “أخوها” المطيع الحيطة المايلة، هو اللي شايل الفأس اللي هيقطع عرق العيلة كلها.

“يمين بالله لو قولت الكلام ده لحد لـ…” حسام بدأ يتكلم وهو بيحاول يعمل فيها راجل. قاطعه صوتي اللي خرج حاد زي السيف: “لو سمعت صوتك تاني يا حسام، الورقة اللي مكتوب فيها كل حاجة بالتفاريخ والأسماء هتوصل لعمامك ولعيلتك كلها قبل ما توصل للبوليس. اخرجوا برة.” سحبت إيدها من حسام بسرعة، وبصت لي بصة أخيرة… بصة حد استوعب في لحظة إن العرش اللطيف اللي كان قاعد عليه طول حياته كان مجرد وهم، وإن السند الوحيد اللي كان فاكره شجرة، طلع هو الجدار اللي بيحجب عنه الحقيقة.

خرجوا، وصوت كعب جزمتها على السلم كان متلخبط، مش مقتنع، خطوة سريعة وخطوة بطيئة. قفلت الباب، وضربت المفتاح دورات كاملة في القفل. النور كان طفى في الشارع، والشمس اختفت تماماً. مشيت في الريسبشن، قعدت على الأرض في النص، وحطيت راسي بين إيديا. السر خلاص خرج من الأوضة المقفولة… واللعبة بقت مكشوفة للكل. وما كانش فاضل غير المواجهة الأخيرة اللي كلنا كنا خايفين منها.