يوم الجلسة الحاسمة في قضية بطلان الملكية، كان عم طارق حاضر بنفسه، وجايب معاه طارق اللي كان قاعد في آخر القاعة، لابس نظارة سودا ومستخبي عشان ما يواجهش نظراتي. المحامية وقفت وقالت بصوت هز جدران المحكمة:— سيادة القاضي، نحن أمام جريمة اصطناع عقود صورية واستغلال لوفــ,,ـــــاه مورث الموكلة لإرهابها وابتزازها في حقوقها الشرعية.
نطالب بإحالة أوراق العريضة والعقود المقدمة من المدعي للنيابة العامة بتهمة التزوير واستعمال محررات مزورة!القاضي وافق فوراً على إحالة العقود لخبراء التزييف والتزوير بمصلحة الطب الشرعي.
وفي خلال أسبوعين، جه التقرير الطبي القاطع: «التوقيع المنسوب للمرحوم صبري هو توقيع مزور بطريق التقليد، والأوراق كُتبت بحبر حديث لا يتعدى عمره بضعة أشهر»!التقرير كان القاضية اللي قطعت رقبة عم طارق ورقبة طارق معاه. القاضي أصدـ,,ـــر حكمه الرافض للدعوى مع إلزام المدعي بالتعويض المالي الضخم لصالحي، وأمر بإحالة عم طارق وطارق إلى النيابة العامة بتهمة التزوير في أوراق رسمية واستعمال محرر مزور للإضرار بالغير!
خرجت من القاعة وأنا ببتسم. عم طارق كان بيزعق مع طارق في الصالة وبيشتمه: «ضيعتني ومعاك قضية تزوير يا خايب!
». وطارق كان واقف زي الأبلة، مش قادر حتى يرفع عينه في عيني. قربت من طارق، ووقفت قدامه بخطوات واثقة وقالتله بكل هدوء:— بابا الله يرحمه سابلي شقة ومحلين وورث حلال... بس أهم حاجة سابها لي هي إنه علمني أقف قدام أي حد طمعان ورخيص. القضايا الجديدة اللي إنت وعمك دخلتوا فيها هتدفعوا تمنها من حريتكم وسمعتكم يا طارق. مشيت وسبته يتخنق في مصيبته الجديدة.
بس وأنا راجعة البيت وبجهز نفسي عشان أبدأ مرحلة جديدة وأفتح المحل الخاص ببابا وأديره بنفسي، التليفون رن برقم غريب جداً... رقم من دولة عربية!فتحت الخط وسمعت صوت ست بتبكي وبتقولي:— مدام هبة؟ أنا مرات طارق التانية اللي اتجوزها في السر من سنتين... والحقيني، طارق كتب باسمي أوراق ومستندات وورطني معاه في ديون وقضايا ومحتاجين مساعدتك قبل ما يتسجــ,,ـــــن كلنا!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.