البنت دي مش هتشوفي منها راحة!رديت عليه بكل هدوء وقسوة ينسحق قدامها أي راجل استغلالي:— أعلى ما في خيلك اركبه يا طارق. الشقة شقتي ورث أبويا، والبنت تحت حضانتي وقانوناً ممنوعة من السفر، ورجلك مش هتعتب مكان هي فيه إلا بحكم رؤية رسمي وفي مركز شباب وتحت عين الشرطة وبس. إنت انتهيت من حياتنا خلاص.
.. وبدل ما تفكر تضايقني، روح فكر في أقساط النفقة ومصاريف القضية اللي المباشر هيجيلك بيها على بيت أمك بكره!قفلت الخط في وشه قبل ما أسمع أي كلمة زيادة، وبلكت رقمه نهائياً. رجعت بيتي بالليل، فتحت الشباك وبصيت للسما. الهواء كان صافي، والبيت دافي ورائحته بخور وهدوء. أمي كانت قاعدة بتطرز، وسلمى بتلعب ببراحة في الصالة. لأول مرة أحس إن أبويا الله يرحمه نام مرتاح في تربته، وإن كرامتي وكرامة عيلتي رجعت كاملة مكملة.
بس وأنا بجهز أوراق سلمى للمدرسة الجديدة، لقيت إعلان محكمة جديد واصل تحت الباب... إعلان مش من طارق، ولا من أمه... إعلان من شخص ثالث خالص في عيلة طارق، جاي يهدد أصل الثروة والورث نفسه اللي بابا سابهولي!الإعلان اللي كان مرمي تحت الباب ماكانش مجرد ورقة قضائية عادية، ده كان قنبلة موقوتة جاية تهد أصل الحق اللي بابا سابهولي عشان يحميني.
مسكت الورقة وإيدي بترعش، وقريت اسم المدعي: «عم طارق»... الحاج متولي!الحاج متولي ده كان الراجل الكبير في عيلتهم، شخص معروف عنه الجشع ودخول الألاعيب القانونية الملتوية. الإعلان كان عبارة عن «دعوى بطلان عقد بيع الشقة والمحلين»! الادعاء في العريضة كان بيقول إن الحاج صبري الله يرحمه قبل ما يمــ,,ـــــوت بايع الشقة والمحلين بعقود ابتدائية لعم طارق مقابل مبالغ مالية، وإن العقود دي صُححت وتواريخها قديمة، والراجل يطالب بتمكينه من الأملاك وإلغاء عقدي أنا وأمي!
طارق لما غلب في المحاكم وفشل إنه ياخد البنت أو يهرب بيها، اتفق مع عمه عشان يطعنوا في أصل ملكية أبويا، ويحرموني من السكن والورث مرة واحدة بأوراق مزورة وتواريخ قديمة معمول لها ألاعيب عند محامين من معدومي الضمير!الشرر خرج من عينيا. سحبت الأوراق وطرت على مكتب المحامية تاني يوم الصبح.
المحامية قرت العريضة بتركيز، ووشها اتحول لجزء من الصلابة والجمود، وقالتلي:— اللعبة دي صايعة يا هبة، بس مفضوحة. طارق وعمه بيلعبوا بكرت «العقود القديمة الصورية»، وفاكرين إن عشان الحاج صبري مات ومش هيعرف يدافع عن نفسه، فالموضوع هيعدي بسهولة.
بس هما نسوا إن القانون بيكشف ألاعيب الصورية وروايات العقود المغشوشة بكل بساطة عن طريق الطب الشرعي والخبراء!بدأت خطتنا فوراً. طلبنا أمام القاضي إحالة العقود المزعومة اللي جايبها عم طارق للطب الشرعي لبيان التزوير في التوقيع والخط، واختبار "قدم الحبر" لمعرفة التاريخ الحقيقي لكتابة الأوراق. وفي نفس الوقت، قدمنا للمحكمة شهادة إثبات الملكية الرسمية، وعقود البيع الموثقة بالصح والنفاد في الشهر العقاري باسمي وباسم أمي، ومعاها تحويلات بنكية صريحة بتثبت إن بابا هو المشتري والمستفيد الأول والأخير طوال حياته.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.