بعد 31 سنه جواز بقلم مني السيد 1

ردت المحامية ببرود قاتل وهي بتسحبني للداخل:— الكلام ده يتقال في الميكروفون قدام القاضي يا استاذ، القضايا شغالين فيها ومستنداتنا جاهزة. الصدمة الأولى لطارق كانت لما القاضي أصدـ,,ـــر قرار التمكين المزدوج بالشقة لصالحي ولصالح سلمى بصفتي الحاضنة. ساعتها طارق استوعب إن الشقة اللي كان فاكر إنه هيحبسني فيها أو يساومني عليها، أصبحت قانوناً تحت تصرفي ولابنتي، ومالوش حتى حق إنه يمر من قدام بابها.

لما جه ينفذ القرار بالقوة الجبرية مع رجال الشرطة، كان يتمنى إني أضعف أو أعيط أو أترجاه يسبلي أي حاجة من أثاثه. لكن أنا كنت واقفه على جنب، هادية تماماً، بتفرج عليه وهو بيلم هدومه الشخصية وأشياءه الخاصة في شنط بلاستيك تحت نظر الضابط والمحامية. كل قطعة كان بياخدها كان تحس إنه بياخد معاها جزء من كبريائه المكسور.

قبل ما يخرج من باب الشقة، وقف وبصلي بقلة حيلة وقال بصوت مبشورش:— بقى بعد كل السنين دي تفرطي فيا وفي بيتنا عشان شوية فلوس وورث؟ أبوكي لو كان عايش كان اتبرّى منك ومن اللي بتعمليه! ابتسمت له بنظرة ثاقبة وقولتله بكل هدوء:— أبويا الله يرحمه هو اللي علمين أقف على رجلي وما أقبلش الإهانة. أبويا اشترى الشقة دي عشان يسترني، ما اشترهاش عشان تشتري بيها كرامتي وتعمل بيها مشاريع على قفايا.

إنت اللي بعت يا طارق من أول يوم فكرت فيه إن جــ,,ـــــثه حماك ثمنها محل أو سبوبة!خرج ورزع الباب وراه، والبيت فضي عليا أنا وسلمى. لأول مرة من سنين حسيت بإن الهواء اللي بتنفسه نقي ومافيش فيه سموم التحكم والاستغلال. بس الأيام اللي بعدها أثبتت إن طارق مش هيرم الراية بالبساطة دي. بعد شهر، وصلتني دعوى قضائية جديدة مرفوعة منه...

دعوى إسقاط حضانة، ومعاها بلاغ كاذب بيتهمني فيه بإني غير أمينة على تربية البنت وبستغل الفلوس في أمور مشبوهة، وجايب شهود زور من صحابه عشان يشهدوا ضد أخلاقي!جمعت أوراقي وقعدت مع المحامية، وعرفت إن المعركة قربت تبدأ في أعنــ,,ـــــف صورها، وإن القناع الأخير لطارق سقط تماماً، وبقى مستعد يدمر حياة بنته بس عشان ينتقم من كبريائه اللي أتهدر...