ورقه الطـ,ـلاق

قلت له اتفضل يا رامي.. أهلك مستنيينك. جز على أسنانه ملف إيه يا أميرة؟ اقتربت منه بما يكفي ليهمس صوتي في أذنه فقط ما تضيعش اللحظة اللي الدكتور هيوريك فيها ولى عهدك. لثانية واحدة، لمحت الخوف في عينيه، لكن الكبرياء قتـ,ـله سريعًا. ضحك مجددًا أنتِ غيرانة، مش أكتر.. ريهام حامل في ابني وأنتِ مش قادرة تبلعي الصدمة.

صفقت بسنت ببطء بالظبط.. غوري ببناتك ، و مشاكلك هتمشي معاكي، والفرحة الحقيقية لأخويا مستنياه. أمسكت نور بأصابعي بقوة، واختبأت مريم في عنقي. لم أجب.. بعض النساء يحرقن البيوت بالصراخ، وبعضهن يحرقنها بالرحيل الهادئ وعود الثقاب مشتعل بالفعل. غادرت مكتب المحامي دون التفات، لكني كنت أعرف تمامًا ما يحدث في الجانب الآخر من المدينة في مستشفى الندى للولادة، كانت والدة رامي قد وصلت بالفعل، ترتدي عباءة استقبال من الحرير، وأساور الذهب تغطي ذراعيها، وابتسامتها عريضة بما يكفي لإهانة كرامتي.

كانت ريهام تجلس على سرير الفحص كالملكة.. يد على بطنها، ويد أخرى تستعرض بها الأسورة الألماظ التي اشتراها لها رامي بالمال الذي زعم أنه لا يملكه لدفع مصاريف مدرسة مريم. كانت عائلة مهران بأكملها تلتف حولها الأم، الأخت، الأقارب، وحتى الاب الذي حدد موعدًا ليوم الفرح العلنى لرامي وريهام بعد طلاقي. كانوا يحملون علب الشوكولاتة الفاخرة، بالونات زرقاء، وسلسلة صغيرة من الفضة.. لولي العهد.

دخل رامي متأخرًا، وعلامات الغضب من كلماتي الأخيرة لا تزال تبدو عليه. لمست والدته وجهه قائلة انسى الوش الفقر دي يا حبيبي.. النهاردة اسمنا هينور وهيتولد اللي يشيل بركتنا. ابتسمت له ريهام وهمست تعال قرب.. ابنك عايز يشوف باباه. أخفت الممرضة الإضاءة، واهتزت شاشة السونار. حبس الجميع أنفاسهم. أمسك رامي بيد ريهام، وبدأت والدته تتمتم بالأدعية، بينما رفعت بسنت هاتفها لتسجل تلك اللحظة التاريخية.

حرك الطبيب الجهاز فوق بطن ريهام. ملأ صوت نبضات القلب الغرفة.. سريعًا، صغيرًا، وحقيقيًا. شهقت العائلة فرحًا، وابتسم رامي كالملك. لكن فجأة.. تباطأت يد الطبيب. ضاقت عيناه. نظر إلى الملف.. ثم إلى الشاشة.. ثم إلى الملف مجددًا. تلاشت الابتسامة عن وجهه تمامًا. تشنجت أصابع ريهام وهي تمسك بملاءة السرير.. ولاحظ رامي ذلك.

في إيه يا دكتور؟ خير؟ ساد الصمت الغرفة. أدار الطبيب الشاشة قليلًا بعيدًا عن العائلة، ونظر إلى رامي، ثم إلى ريهام، ثم عاد ينظر إلى التواريخ المطبوعة في التقرير الطبي. وجاءت جملته الأولى لتهز الغرفة وتجعل البالونات الزرقاء ترتعش في السقف التواريخ دي.. المشكلة إن الحمل ده في الشهر الرابع،.. وحضرتك كاتب في الإقرار إنك متجوزها من شهر! رامي كشر يعني إيه؟

ريهام وشها بقى زي الأموات. بسنت نزلت التليفون اللي كانت بتصور بيه. حماته بطلت تدعي. رامي بص لريهام إزاي؟ مش ممكن! ريهام حاولت تضحك أكيد الدكتور غلطان! الدكتور رد بحدة أنا مغلطتش، والآنسة ريهام كانت هنا من ٢٣ أسبوع وعملت سونار تأكيدي للحمل. رامي لف لريهام وصوته بدأ يعلى قبل ٢٣ أسبوع؟ يعني قبل ما نتجوز؟ الدكتور طلع الملف ووراه لرامي بص في خانة رقم الطوارئ.. مكتوب الاسم كريم عبد الله.

. القرابة زوج . رامي إيده كانت بتترعش كريم؟ ريهام بدأت تعيط وتصرخايوه ده كريم جوزى سابني و طلقنى ! كنت لوحدي وتعبانة وأنت جيت وقفت جنبي.. أنت قلت إن أميرة مش فاهماك، وقلت إنك عايز ولد.. وأنا كان لازم أديك اللي بتتمناه ! حماتى قعدت على الكرسي وهي بتقول يا فضيحتي.. وبسنت اخته بتزعق إنتي نصابة، وريهام بترد بوقاحة إنتو كنتوا عايزين تتغفلوا!