. أنا مش عايزة أرباغ ولا عايزة صدقة. أنا خدمتي في البيت ده طول ۱۳ سنة كانت ببلاش، والنهاردة أنا عايزة حقي بالقانون وبالشرع. أنا لي نسبة في الورشة دي من ورث أبايا المرحوم اللي انتوا كنتوا بتشغلوه وتدوني منه العيش الحر..أنا عايزة أستلم نسبي ومصروفي من الورشة مباشر من إيدك انت، مش من إيد مصطفى.
وعايزة أشتغل، أنا هفتح مشروع صغير في الدكان الفاضي اللي تحت البيت، أبيع فيه حاجات للمنطقة وأصرف على ولادي بعرق جبيني!عمي اتصدم من الكلام، وبص لي بذهول من الشجاعة اللي ظهرت عليا فجأة.
وفي اللحظة دي بالذات، دخل مصطفى الورشة وسمع جملتي الأخيرة. وشه اتغير وأحمرّ من الغيظ، وقرب مني وزعق بصوت زي الحريق:ـ مشروع إيه ودكان إيه يا هانم؟! انتِ اتجننتي؟! مراتي أنا تفتح دكان وتشتغل وتفضحني قدام المنطقة؟! ده على جثتي!
وقفت قصاده وبصيت في عينيه بثبات يزلزل، وقلت له:ـ جثتك دي تسيبها لنفسك يا مصطفى.. اللي بيخون ويغدر ويدور على الجواز السري، مالوش إنه يتكلم عن الفضيحة والرجولة! الدكان هيتفتح، وحقي هاخده، واللي عندك اعمله!
نظرة الذهول في عينين مصطفى كانت كفيلة توريني إنه عمره ما تخيل إن "أمل" الهادية الطائعة اللي شالت بيته ورضيت بالظلم ۱۳ سنة ممكن تقف وتطالب بحقها بعين قوية. اتراجع خطوة لورا ووشه بيجيب ألوان، يبص لأبوه وبعدين يبص لي وهو بيجز على سنانه:ـ بقى انتِ يا أمل كبرتِ وبقى ليكي لسان وتطالبي بورشة ودكان؟
فاكرة إن عمي هيقف معاكي ضد ابنه وسنده في الدنيا؟قبل ما أرد، قام عمي من على كرسيه، وض. رب قبضة إيده على المكتب بقوة زلزلت المكان، وقال بصوت جاف يرعب:ـ اقفل بؤك يا مصطفى! كفاية عار لحد كده!بنت أخويا بتتكلم في حقها الشرعي والأنصبة اللي سابها أبوها الله يرحمه في الورشة دي.
من بكرة الصبح، أمل ليها مصروف ماهية ثابتة من إيدي أنا شخصياً، والدكان الفاضي اللي على الشارع بتاعي أنا، وأنا اللي ملكتهولها تعمل فيه المشروع اللي يريحها وتصرف بيه على عيالها بكرامتها!
مصطفى بص لأبوه وبدأ يصرخ بصوت هيستيري:ـ انت بتعمل معايا كده عشان خاطرها يا با؟ بتكسر كلمة ابنك قدام الناس وتديها الدكان اللي أنا كنت حاطط عيني عليه عشان أفتحه لندى وولدها؟!الكلمة طلعت منه من غير ما يقصد، بس كشفت المستور كبيـر!
كان متفق مع ندى وأمه إنه يحط إيده على الدكان الفاضي بتاع العيلة ويفتحه لمراته الجديدة عشان يكسب رضاها ورضا أهلها بعد الطردة. عمي ضحك ضحكة قاسية ومسكونة بالمرارة:ـ أه.. قولي بقى! ده انت كنت خططت ورتبت ونازل تقش على الجاهز!
والله ما يدخله ولا يحط إيده فيه غير أمل وأولادها! وبرة يا مصطفى.. برة الورشة النهاردة ومش عايز أشوف وشك هنا لما تصفى حساباتك وتعرف الأصول!خرج مصطفى وهو بيتحلف وبيض. رب رجليه في الأرض، وطالع على السلم زي المجنون لشن شقة أمه.ساعتها، حماتي نزلت على السلم بتهلل وتصوت عشان تطلم العيلة والشارع، وراها سلفتي اللي كانت عمالة تسخن في النار.
وقفت حماتي في نص الشارع وقالت بصوت مسموع للرايح واللي جاي:ـ تعالوا شوفوا يا ناس! الحاج علي بيطرد ابنه الوحيد وصاحب الشغل عشان خاطر بنت أخوه!
جايبة السحر والعمل ومكتفة الراجل وكاسرة كلامه!الناس بدأت تتجمع في الشارع، وأنا كنت واقفة عند باب الدكان، قلبي بيدق بثقل، بس مسكت نفسي ورفعت رأسي. نزلت عمي للشارع بصوته الجهور وقال للناس:ـ يا أهل المنطقة والشارع، اللي بيننا أصول ودين!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.