يوم طلاقي 3

القصه كامله هنا دلوقتي 👇 الجزء الاول
الجزء الثاني هنا 👇
الجزء الثالث والاخير 👇

يوم طلاقي ابويا حلف ج 3

اللهم صلِّ وسلم وبارك على سيدنا محمد وعلى آله وصحبه أجمعين. مرت الأيام والشهور زي حلم جميل بيتحقق كل يوم جزء منه. حملي كان بيكبر، ومع كل يوم يمر، كنت بحس إن ربنا بيمحي من قلبي آثار الوجع والقهر اللي عشتهم في أيامي السابقة مع "حمدي" وأهله.

صلاح ما سابنيش لحظة واحدة؛ كان لي الأب والأخ والزوج والسند، كان بيعوضني عن كل ليلة نمت فيها ودموعي على خدي. في الفترة دي، كان ملف القضايا والعدالة ماشية في طريقها اللي ما بيرحمش. صلاح ما اكتفاش بالقبض على حمدي وأمه وأخته، لكنه وكل فريق كامل من أكبر المحامين عشان يجيب لي كل حقوقي القديمة والجديدة بالقانون، ويخلي القضاء المالي والجنائي ياخد مجراه.

في المحكمة، جِه اليوم اللي انرفعت فيه الستارة عن المشهد الأخير للظالمين. دخلت القاعة وأنا ماسكة في إيد صلاح، لابسة شيك ومرفوعة الرأس، وبطني بارزة بحملي في الشهر السابع. أبويا وأمي كانوا قاعدين ورايا، ووشوشهم منورة بالرضا والأمان. أول ما القفص اتفتح ودخلوا حمدي وأمه وأخته، قلبي اتنفض.

. مش خوف، لكن من منظرهم اللي يوجع القلب ويرعب أي حد يفكر يظلم! حمدي كان واقف بهدوم السجن الزرقا، خاسس للنص، دقنه طويلة ومهملة، وشكله مكسور وعينيه في الأرض مش قادر يرفعها في عين صلاح ولا عين أبويا.

أمه وأخته كانوا في قفص النساء، الطرح مقطعة، ووشوشهم باهتة من كتر البكاء والذل، كأن السجن أكل من صحة وعمر كل واحد فيهم سنين في كام شهر. المحامي بتاعنا وقف وسرد أمام القاضي أفعالهم: الابتزاز العاطفي والمادي، الشهادة الزور، المحاضر الكاذبة، التعدي والسب والقذف، والتهديدات المسجلة.

وفي المقابل، دفاع حمدي ما كانش عنده كلمة واحدة يقولها قدام حجم الأدلة والتسجيلات الموثوقة وصور كاميرات المراقبة. القاضي ض. رب الشاكيش في القاعة، وصدر الحكم اللي زلزل كيانهم:"حكمت المحكمة حضورياً: أولاً، بسبت كافة حقوق المدمجة للمدعية 'نوال'، وإلزام المدعى عليه 'حمدي' بدفع كافة مستحقاتها من مؤخر وصداق وقائمة منقولات مع التعويض المادي والنفسي.

ثانياً، بسجن المدعو 'حمدي' ثلاث سنوات مع الشغل والنفاذ بتهم الابتزاز والبلاغ الكاذب والتهديد. ثالثاً، بسجن كل من والدته وشقيقته سنة مع الشغل مع إيقاف التنفيذ وإلزامهم بغرامة مالية كبيرة للسب والقذف والتشهير علناً."صرخة أمه هزت القاعة وهيا بتعيط وتترجى أبويا: "سامحنا يا حاج!

اعفُ عنا يا صلاح يا بني! والله انظلمنا الشيطان دخل بينا!"لكن أبويا بص لها بنظرة ثابتة وقال بصوت حاسم: "ربنا العدل.. أنتوا ما رحمتوش بنتي وهي مكسورة، والقانون ما بيرحمش الظالم."اتسحب حمدي لداخل السجن وهو بيبكي ويرتعد، وأمه وأخته خرجوا من المحكمة وهما شايلين العار والديون والخراب اللي صنعوه بإيديهم.

الحارة كلها عرفت بقرار المحكمة، وبقت قصتهم عبرة لكل حد يستقوى على مظلوم أو يظن إن الفلوس واللسان الطويل ممكن يحموه من عدل ربنا. مرت باقي أشهر الحمل بسلام، وجاءت اللحظة المنتظرة. كنت في المستشفى الخاص الكبير اللي صلاح أعده لي بالكامل، وعيلتي كلها كانت وافقة بره، وأبويا مابيبطلش يدعي ويستغفر.

دخلت غرفة العمليات، وصلاح رفض يسيب إيدي، كان واقف جنبي، لابس البالطو المعقم، بيمسح على رأسي ويقرأ في أذني آيات من القرآن الكريم عشان يطمني. ولما سمعت صرخة الطفل الأولى في القاعة.. الدموع نزلت من عيني وعين صلاح في نفس اللحظة.

الدكتورة شالت المولود وادته لصلاح، اللي كبر في أذنه اليمنى وأقام الصلاة في أذنه اليسرى وهو بيبكي من فرحته. سميناه "عمر".. عشان يكون عمر جديد وأمل جديد يتولد في حياتنا. خرجنا من المستشفى وروحنا بيتنا، وأبويا عمل عقيقة كبيرة جداً في حارتنا القديمة، وزع فيها اللحوم والأكل على كل فقراء ومحتاجي المنطقة.