” اتغيرت ملامحها وقالت: “إنتِ لسه عندك الموضوع ده؟!” قلت: “أيوه.” قالت بعصبية: “يعني كل حاجة تحصل لك هتعلقيها عليا؟!” قلت: “أنا بس بسأل.” قامت وقالت: “أنا ماشية.” وقبل ما تفتح الباب، وقفت وبصتلي وقالت: “لو عرفتي الحقيقة… يمكن تندمي إنك سألتِ.” اتقفلت الدنيا في وشي. قلت: “حقيقة إيه؟!” لكنها فتحت الباب ومشيت من غير ما ترد. جوزي رجع بالليل، حكيتله كل حاجة.
قال: “أنا هكلمها.” قلت: “لأ.” قال: “ليه؟” قلت: “عشان أنا عايزة أعرف الحقيقة بنفسي.” وفي اليوم اللي بعده، حصلت حاجة أغرب… ابني الصغير دخل عليا وهو ماسك تليفوني وقال: “ماما… هو ليه عمتو بعتتلك الرسالة دي ومسحتها؟” اتجمدت مكاني. قلت: “إنت شفت إيه؟” قال: “كانت رسالة على الشاشة، ولما جيت أقولك اختفت.” فتحت الموبايل بسرعة. ولقيت فعلًا إشعار رسالة منها… لكن الرسالة نفسها كانت اتمسحت. والغريب إن ابني كان حافظ أول جملة منها.
قاللي: “هي قالت: أنا عارفة إنك بدأتِ تشكي… بس والله اللي حصل لولادك مش بسببي…” وقفت أبص له وأنا مش فاهمة. يعني إيه “مش بسببي”؟ لو هي بريئة فعلًا… يبقى مين السبب؟ وفي اللحظة دي، تليفوني رن. بصيت للشاشة… وكانت سلفتي هي اللي بتتصل. رديت وأنا قلبي بيرجف. أول ما سمعت صوتها، قالت: “اسمعيني للآخر وماتقاطعيشني… أنا لازم أحكيلك حاجة حصلت يوم ما كنتِ بتذاكري لولادك…” وسكتت ثواني، وبعدين قالت جملة خلتني مش عارفة أصدق وداني: “أنا يومها ماكنتش جاية أقولك يا بختهم وبس… أنا كنت جاية أحذرك من حاجة، بس خفت أقولك…” #حكاوي_شيمو يا ترى سلفتها كانت بتحذرها من إيه؟
وهل فعلًا كان فيه سبب تاني لكل اللي حصل؟ ولا الحكاية كلها مجرد سوء فهم؟ قولولي توقعاتكم في التعليقات 👇❤️ ومتنسوش تصلوا على النبي ﷺ اللهم صل وسلم وبارك على سيدنا محمد ❤️ يتبع…
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.