سمعت تنهيدة طويلة وتقيلة منه، وبعدها رد بصوت هادي أوي.. بس هدوء يرعب، هدوء حد كان كاتم جواه ك كلام كتير وأخيراً جاب أخرة:* خلصتي يا أمي؟ اتسمرت مكاني وقلتله باستنكار:* إيه "خلصتي" دي يا ابني؟! انت مش سامع أنا بقولك إيه؟!رد بصلابة وصراحة صدمتني، وصوته فيه نبرة عتاب وعصرة قلب:* سامع يا أمي.. وحافظ كمان. بصراحة كده؟ مراتي عندها كل الحق في كل كلمة قالتها!
بناتي الشهقة طلعت منهم، وأنا عيني وسعت وصرخت:* إنت بتقول إيه يا ولد؟! انت بتيجي في صفها ضد أمك؟!قال بنبرة حاسمة وقاطعة:* أنا مش باجي في صف حد ضد حد يا أمي، أنا باجي مع الحق! أنا من أول يوم شفتكم قاعدين وهي تحت رجليكم بتعملكم باديكير ودموعها في عينيها، وأنا قلبي بيتقطع عليها..
كنت شايف الاستغلال بعيني، وشايفكم كل يوم تحملوا عليها في مواعين وأكل وخدمة ونزول وطلوع وكأنها شغالة عندكم مش عروسة جديدة! كمل وهو بيتنفس بسرعة وبحــ,,ـــــرقة:* أنا سكتّ كل الفترة دي مش عشان عاجبني الوضع، ولا عشان أنا خايف أو مش راجل! أنا سكتّ عشان كنت بقول لنفسي يمكن هي حابة تجاملكم، يمكن بتعمل كده برضاها وبأصلها عشان تقرب منكم، وما حبّيتش أعمل مشكلة وأبقى أنا اللي بعكر الصفو.
. بس لما لقيت الموضوع زاد عن حده وبقى استغلال صريح ل طيبتها وأصلها، كنت مستني اللحظة اللي هي بنفسها تحط فيها حد للمهزلة دي!وقف ثواني عشان يأخد نفسه، وبعدين كمل بكلمات كانت زي المرزبة على دماغي:* مراتي مش خدامة لحد يا أمي..ا هي جاية تتجوزني عشان تخدم أخواتي وتغسل سجاجيد وبطاطين! اللي عايز يغسل حاجته يوديها المغسلة أو يغسلها بإيده.
. من النهاردة مراتي مش هتعمل حاجة لحد، وحقها عليّ أنا إن سكتّ من الأول وسبتكم تستغلوها. ويا ريت ما حدش يطلب منها حاجة تاني بعد اذنكم. وقبل ما ألحق أرد أو أستوعب إن ابني وقفت في وشي عشانها.. سمعت صوت تكة الخط وهو بيبفل السكة!قعدت على الكرسي ومش قادرة آخد نفسي، وبناتي بيبصوا لبعض بذهول وذهول، وأنا حاسة إن القلم اللي أكلته من مراته كان أهون بكتير من القلم اللي أكلته من ابني!
التليفون وقع من إيدي على الكنبة، وساد الصمت في الصالة كأن على رؤوسنا الطير.. بناتي تبادلوا النظرات المذهولة، وواحدة فيهم حطت إيدها على بقها مش مصدقة إن أخوها الوحيد، اللي كنا فاكرينه في جيبنا، يقف الوقفادي قدامنا ويقفل السكة في وشي عشان خاطر مراته! الأكثر قراءة الان حماتي كشفت خـــ،،ائـــ،ـنته الجزء التاني بقلم ريتشارد منذ يومين حماتي كشفت خـــ،،ائـــ،ـنتة الجزء الاول بقلم ريتشارد منذ يومين عزومة اهلى بقلم امانى سيد منذ يومين قعدت مذهولة، صدـ,,ـــري يعلو ويهبط من كثرة الغيظ والصدمة.
. القلم كان جامد، والض. ربة جَت من المكان اللي ما كنتش أتوهم إنه ييجي منه أبداً. طول العمر بكلمتي، والكل بيعملي ألف حساب، تيجي بت كملت في البيت كام شهر تقلب ابني عليّ وتخليه يشوفني أنا وبناته "استغلاليين"؟ !بنتي الكبيرة قربت مني وهي وشها أحمر من الغضب وقالتلي:* شفتي يا ماما؟ شفتي ابنك الكبير بيبيعنا إزاي عشانها؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.