خطيبي 2

المنطقة كلها تحت بيتنا كانت واقفة على أطراف صوابعها. الصوت العالي اللي خرج من صالتنا وصريخ طارق وهو بيتضــ,,ـــــرب، خلى الجيران كلهم يخرجوا في البلكونات ويقفوا في الشارع مستنيين يشوفوا “المهندس المحترم” وهو طالع. ولما باب العمارة اتفتح، وخرج طارق بين أبوه وعمامه، وشه متغرق دم، قميصه مقطوع، ورجليه بتتسحل على الأرض ومش قادر يرفع عينه في عين حد، الشارع كله اتجمد من الصدمة.

الناس اللي كانت بياخدوا بكلمته ويحلفوا بأخلاقه، بقوا يتهامسوا ويشاوروا عليه. أبوه كان ماشي بسرعة وزي ما يكون بيهرب من نظرات الجيران، وعمامه كانوا ماشيين حاطين رؤوسهم في الأرض من كتر الخزي والكسفة. وفي لحظة، واحد من كبار الشارع وقفهم وسأل بصوت عالي: “خير يا حاج؟ فيه إيه وطارق مال وشه كدة؟” عم طارق الكبيرة مبصش في وشه رد بكل حسرة: “ابننا وكسنا وجاب لنا العار.. حسبي الله ونعم الوكيل فيه وفي اللي رباه!

”الكلمة نزلت على الشارع زي القنبلة، وفي دقائق كانت الحقيقة منتشرة في كل بيت في المنطقة: طارق اللي كان بيعمل فيها الشريف العفيف، اتكشف على حقيقته، والجامد اللي فكر يطعن في شرف بنت أصل، اتأدب وأخد علقة المــ,,ـــــوت جوة بيتها ورجع لأهله مجرور من كرامته! في الصالة عندنا، كان الجو مليان بفخر وكبرياء مش طبيعي.

بابا كان قاعد على الكرسي، ماسك إيدي وبيعيط من الفرحة والراحة، وإخواتي أحمد ومحمود واقفين ونفسهم عالي من الأكشن اللي حصل، بس عينيهم بتلمع بنصر. أحمد قرب مني وطبطب على كتفي وقال بصوت كله حنية وغضب مكتوم: “والله العظيم يا أختي لو كان نطقت بكلمة زيادة كنت .تلك إياه في صالتنا! بس الحمد لله إنك طلعتي أجدع منا كلنا، ورجعتي حقك وحق أهلك بالدليل والبرهان قدام عيلته كلها!

“محمود كمل وهو بيضحك بانتصار: “ده مش هيعرف يمشي في الشارع ولا يرفع عينه في وش راجل لمدة سنة قدام! الدهب اللي كان جاي ياخده بتبجح، بقى حسرة في قلبه، وشه اللي اتعجن ده ثمن قليل أوي على كدبه وطعنه فيكِ!”بس القصة مكنتش خلصت عند النقطة دي.. الانتقام الحقيقي وطعنة القدر كانت لسه جاية. طارق وأهله، لما رجعوا بيتهم وشافوا الفضيحة اللي بقت على كل لسان، الخبث والمكر اشتغلوا عندهم تاني.

طارق، من كتر الغل والحقد اللي في قلبه، ومكانش قادر يستوعب إن بنت قدرت تكسر غروره وتفضحه بالصوت والصورة، فكر إنه يتحدانا وينتقم بالطريقة الخسيسة اللي شبهه. بعد أسبوعين من الواقعة، وبعد ما جروحه بدأت تلم شوية، تفاجأنا بشرارة جديدة. طارق استغل إن معاه نسخة من صور الخطوبة والمناسبات اللي كانت بينا، ورسايل قديمة عادية، وبدأ بواسطة واحد صاحبه شغال في صيانة الموبايلات، يعمل صفحات فوتوشوب وفيديوهات مفبركة بصوتي، محاولة منه لإعادة ترويج الإشاعات ونشرها بين معارفنا وعلى جروبات المنطقة علشان يرد كرامته المهدورة!

في يوم الجمعة بالليل، جاني إشعار على الموبايل من واحدة صاحبتي بتجري وتقولي: “الحقي يا فلانة! فيه أكونت فيك نازل على جروب المنطقة كاتب كلام قذر وحاطط صور ومقاطع صوتية مفبركة ليكي، وطارق وعيلته داخلين يعملوا لافات وشير وبيقولوا أهو الحق ظهر! “النــ,,ـــــار ولعت في البيت تاني. أحمد ومحمود مسكوا التليفون وكانوا هيتجننوا، وبابا مسك قلبه من الصدمة، وقال: “الكلب ده مابيرتدعش! ده عايز يتقطع حتت!”بس المرة دي، أنا مكنتش محتاجة أصرخ ولا أعيط.