بنت ا,لأصول دي شايلة في بطنها ابنك، وريث اسمك وسندك اللي كان هيمو. ت بالحيا والشركة والعز يروحوا للغريب. إحنا خلصنا الكلام مع ندى، وهنم,شيها بما يرضي الله ونديلها قرشين تفتح بيهم بيت لوحدها، وتكتب لسارة عليها رسمي الليلة قبل بكرة. "أحمد ولا حتى كلف خا,طره يبص في عين سارة ولا بص لأمه. هو بس ركز نظره على البنت اللي, بتترعش، وصوته طلع واطي، بس حاد زي نصل السكينة: "طلّعوها بره.
"هنا حماتي, ابتسمت ابتسامة صفرا عريضة، ولفت وشها ناحيتي بانتصار أعمى و,قالت: "سمعتي؟ يلا بقى لمّي هدومك! الراجل نطق وحسمها في ثانية، مش قولتلك دم ابني مش هيخونه؟"أنا قعدت أعدل قعدتي، وسندت ضهري لورا بكل برود، وشاورت بفنجان الشاي وقلت: "يا ماما، هو كان بيقول يطلع مين؟ الأحسن نستنى ونسمعه بيقول بنفسه، عشان في ناس بتفهم اللي على هواها بس.
"أحمد ساب الجاكت يقع على فوتيه الصالون، وخطى خطوتين تقال لحد ما بقى واقف قدام سارة مباشرة. المسافة بينهم مكنتش أكتر من نص متر، ووشه خالي تماماً من أي رحمة. زعق في وشها بصوت هز جدران الشقة وخلى النجف يرن: "أنا قولت للكلبة دي تطلع بره! مش بره البيت بس، بره حياتنا كلها قبل ما أطلب النجدة وأعملك محضر تهجم وابتزاز ونصب هنا في صالون بيتي!
"سارة اتنفضت ورجعت خطوة لورا وخبطت في ركبة حماتي، ووشها اصفرّ وبان عليه رعب حقيقي مش تمثيل. حماتي اتصدمت وصوتها راح لثواني، بعدين زعقت: "إنت اتجننت يا أحمد؟! بتطرد أم ابنك عشان خاطر دي؟ دي شايلة حتة منك! إنت نسيت نفسك ولا إيه؟ الجنين ده حفيد عيلة المنشاوي اللي مستنياه بقالي سنين!
"حمايا كمان وقف وبص لأحمد بحزم: "يا ابني اهدى، العصبية مش هتحل. إحنا مش هنرمي لحمنا في الشارع. البنت غلطت وإنت غلطت، والصلح خير، واسترك واستتارها هو الصح بدل الفضايح في وسط الناس والشركة. "أحمد ضحك. كانت ضحكة ساخرة، مسمومة، وجعت أكتر من أي صريخ. بص لأبوه وقال: "لحم مين يا حاج؟ وريث إيه اللي بتتكلموا عنه؟
إنتوا مصدقين العبط ده بجد؟ البنت دي جاية بمخطط رخيص، ولقيت فيكوا الصيدة السهلة عشان عارفين نقطة ضعفكم وهوسكم بالخلفة والاسم!"حماتي مسكت دراع سارة وشدتها لقدام: "مخطط إيه؟ والتحاليل والأشعة اللي بتأكد إنها حامل في ولد وفي أول الرابع؟ هي كانت نايمة معاك في المكتب لوحدكم ولا أنا اللي كنت معاكم؟ البنت اعترفت بكل حاجة وقالت إن الموضوع حصل في أسبوع المؤتمر بتاع شرم الشيخ لما كنتوا مسافرين سوا!
"سارة بدأت تعيط وتشهق: "حرام عليك يا أحمد بيه، إنت بتنكر ابنك عشان خايف من زعلها؟ إنت مش قولتلي إنك مستحمل جوازك منها بس عشان العِشرة وسمعة الشركة، لكن نفسك في طفل يملى عليك دنيتك؟ أنا مكنتش عايزة فلوسك، أنا بس عايزة ابني يعيش في النور وما يتقالش عليه ابن حرام!"الكلام كان مرسوم بدقة، وأي ست في مكاني كان ممكن تنهار، تصرخ، أو حتى تهجم عليها تقتلع شعرها.
بس أنا كنت قاعدة بتابع المشهد زي ما بكون بتابع ممثلة فاشلة واقِعة في نص بروفة مسرحية بتبتذل في المشاعر عشان تاخد تصفيق رخيص. كنت شربت رشفة تانية من الشاي وسايباهم يغرقوا في تمثيليتهم لحد ما يجيبوا آخرهم. أحمد لف لأمه وأبوه، وبصوت هادي جداً طلع موبايله من جيبه وفتحه، ورمى تليفونه على الترابيزة قدامهم: "المؤتمر بتاع شرم الشيخ كان من أربع شهور بالظبط، مظبوط يا سارة؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.